Konsultasiya Xidməti
Konsultasiya xidməti – ideyasını ssenariyə çevirmək istəyən şəxslərə peşəkar dəstək və yol xəritəsi təqdim edən xüsusi bir xidmətdir.
Bu xidmət, qısa və tammetrajlı film, animasiya və serial ssenarisi yazmaq istəyən, lakin ideyasını inkişaf etdirməkdə çətinlik çəkən şəxslər üçün hədəflənmişdir. Xidmət yalnız ssenaristlər üçün deyil, həm də prodüserlər, rejissorlar, yazıçılar və yaradıcı sahənin digər nümayəndələri üçün açıqdır.
Xidmət zamanı ideyanızın konseptindən başlayaraq əsas ssenari elementlərinə qədər (struktur, personaj, konflikt, mövzu, sujet və s.) hər aspekt qiymətləndirilir. Bununla yanaşı, ideyanın niyə ssenariyə çevrilməli olduğu, hansı mesajları çatdırmağı hədəflədiyi və tamaşaçılar üzərində hansı təsiri buraxa biləcəyi dəqiqləşdirilir. Hər layihə üçün xüsusi olaraq hazırlanmış yol xəritəsi, ideyanızın addım-addım necə inkişaf etdiriləcəyini və son nəticəyə çatdırılacağını göstərir.
Əlbəttə, konsultasiyanın sonunda ideyanızın film üçün yetərli potensiala sahib olmadığı bir nəticə ilə qarşılaşma ehtimalı da mövcuddur. Lakin bu, layihəyə boşuna zaman və resurs sərf edilməsinin qarşısını alaraq sizi daha doğru istiqamətə yönləndirəcək.
Bu xidmət daha çox ssenaridə müəyyən biliyə və təcrübəyə malik olan şəxslərə hədəflənmişdir. Xüsusilə, ideyasını reallaşdırmaqda çətinlik çəkən, həmin ideyanın uğurlu olub-olmayacağına əmin olmayan və bu mövzuda əlavə məsləhətə ehtiyacı olan yaradıcılar üçün mükəmməl bir seçimdir. Yeni başlayanlar üçün isə bu xidmət ssenarinin yazılması baxımından daha çətin ola bilər, çünki konsultasiyadan sonra ssenarini özünüz yazmalı olacaqsınız. Bu səbəbdən, xidmət ideyasını yoxlamaq və onu doğru istiqamətə yönəltmək istəyən, lakin artıq müəyyən qədər ssenari təcrübəsi olan şəxslər üçün daha uyğundur.
