“Dostdan səhnə” xidməti – ekstra problemli səhnələrin yazılması xidmətidir.
Səhnə yazımında çətinlik çəkən, səhnəni bədii həll etməkdə problem yaşayan, səhnənin daha yaxşı olmasını istəyən hər bir ssenarist “Dostdan səhnə” xidmətindən yararlana bilər.
Səhnənin yazılması üçün ssenari, sinopsis və səhnədə iştirak edən personajların bioqrafiyası və onlar haqda vacib məlumatlar (motivasiya, qorxu, sirr və s.) göndərilir. Əgər ssenari yazılmayıbsa (ola bilər, ssenarinin birinci səhnəsində problemlə qarşılaşmısız. Açılış səhnəsi istədiyiniz kimi alınmır), onun əvəzində ideya yazılı formada göndərilir. Materialları oxuduqdan sonra müzakirə edirik. Hekayənin sujetini, mövzusunu, mesajını, və s. səhnənin yazılması üçün mənə lazım olan nəsnələri (bu sualları mən verəcəm) aydınlaşdırırıq. Mən hekayənin nə haqda olduğunu, səhnədə nə çatdırılmalı olduğunu anladıqdan sonra səhnəni işləyirəm.
Səhnənin təhvil verilmə müddəti ssenarinin həcmindən asılı olaraq (tammetraj, pilot seriya, qısametraj) dəyişə bilər (3-5 gün)
Səhnənin həcmi təxmini 2 səhifədir. Həcm etibarilə daha böyük səhnələr üçün qiymət dəyişir.
Qeydlər:
- Yazılmış səhnə ilə bağlı redaktə imkanı var.
- Bu xidmətdən istifadə edən üçün konsultasiya pulsuzdur.
- Bir ssenaridə 3 və daha çox səhnə yazılacağı təqdirdə titrdə ad qeyd olunmalıdır.
Həmçinin, siz müəyyən qiymət dəyişikliyi ilə sürətli səhnə yazımı xidmətindən də istifadə edə bilərsiniz (48 saat)
Çətin səhnələrdə yaradıcı dostunuz olaraq hər zaman dəstək göstərməyə hazıram. Loqlaynın vacib elementlərini özündə saxlayan hər bir ssenarinin səhnə problemi həll oluna bilər. Ürəkli yazın!
