Ssenari kursu (orta səviyyə)
Bu, sadəcə kurs deyil. İdeyanızı ssenariyə çevirməyiniz və ssenaristliyə yiyələnməyiniz üçün mentorluq xidmətidir...
Ssenari – hekayənin elementləri və kino sənətinin ifadə vasitələrinin vəhdəti ilə formalaşan, özünəməxsus formatı olan ədəbi əsərdir. Bu əsər bilik üzərində qurulur və sizin bu cür əsərlər yaza bilən birinə - ssenaristə çevrilməyiniz üçün kurs təklif edirəm.
Kursda öyrənəcəksiz:
- İdeyanın istər loqlayn, istərsə də fərqli metodlar vasitəsilə yaradılması, onun yoxlanılması və dəyərləndirilməsi.
- Personajların yaradılması. Personajların süjetdəki funksiyaları. Xarakter və xarakteristika. Personajın arkası.
- Hekayənin dünyasının yaradılması. Onun əsas elementləri.
- Hekayənin strukturunun qurulması. Qısa və tam film strukturları. Müxtəlif modellər.
- Süjet xəttinin qurulması. Əsas, alt və paralel xətlər. Süjetin elementləri. Süjetin inkişafı.
- Səhnənin qurulması. Səhnənin strukturları. Səhnənin elementləri. Səhnənin bədii həlləri.
- Hadisə və vəziyyət. Dramatik vəziyyətin yaradılması. Onun elementləri. Konflikt.
- Mövzunun işlənməsi. Onun çatdırılma yolları. Mövzunun növləri.
- Dialoqların yazılması. Onun funksiyaları və tipləri.
- Tamaşaçı marağının saxlanılması. Qarmaqlar. Gələcək elementləri.
... və bu bəndələrə aid olan-olmayan bir çox elementlər.
Kurs boyu oxuyub analiz edəcəksiz:
- Qısa film ssenariləri (10-dan çox)
- Pilot seriya ssenarisi
- Tammetraj film ssenarisi
- Sinopsislər və yüzlərlə səhnə
Həmçinin əvvəlki kursumun tələbələrinin ssenarilərini oxuyub analiz edəcəksiniz.
Kurs boyu baxıb analiz edəcəksiz:
- Qısa film və animasiyalar (60-dan çox)
- Pilot seriya (3)
- Tammetraj film (5)
- Onlarla səhnə və epizodlar
Kurs boyu yazacaqsız:
- Loqlayn və sinopsislər
- Onlarla səhnə
- Qısa film ssenarisi
Kursdan nə əldə edəcəksiz?
- Ssenari elementlərini mənimsəyəcəksiz
- Ssenarini analiz və redaktə etməyi öyrənəcəksiz.
- Qısa film ssenarisi yazacaqsız (hazır ssenari ilə kursu bitirəcəksiz)
- Azərbaycan Kinematoqrafçılar İttifaqının sertifikatını əldə edəcəksiz
- Bilikli, peşəkar analiz etməyi bacaran və faydalı geri dönüşlər edən həmkarlar qazanacaqsız.
Vacib qeyd: tələbənin ssenari yazması onun çalışqanlığından və mentorun tapşırıqlarını necə yerinə yetirməsindən asılıdır.
Kurs, ssenari üzrə ixtisaslaşmış nüfuzlu universitetlərin tədris metodikasına əsaslanır: bilmək, görmək və tətbiq etmək. Kurs boyu ssenari elementlərini biləcək, həmin elementləri oxuyacağınız ssenarilərdə, baxacağınız filmlərdə görəcək, çalışmalar etməklə və ssenari yazmaqla isə tətbiq edəcəksiz.
Mentorunuz Pərviz Məmmədov ssenarist, skript doktor olmaqla yanaşı, analitik şəxsiyyət tipinə sahib, mükəmməlçi, ssenarinin hər bir elementinə xüsusi yanaşan, yaxşı öyrətmək bacarığı olan və bundan zövq alan biridir.
Dərslər həftədə 2 dəfə olmaqla (3-3,5 saat) əyanı formada keçirilir. Bundan əlavə, dəsrlər onlayn platforma vasitəsilə də dəstəklənir. Onlayn platformada ( www.kurs.parvizmammadov.com ) əyani dərslərdən əlavə tapşırıqlar, səhnələr, film analizləri və s. verilir.
Məkan: Azərbaycan Kinematoqrafçılar İttifaqı
Müddət: 3 ay (24 dərs)
Ödəniş: aylıq 300 azn
Qeyd: Kurs, Azərbaycan Kinematoqrafçılar İttifaqının dəstəyilə həyata keçirilir.
